amikoj de Esperanto
La urba Festivalo de najbara bonvolemoLa 28an de septembro enkadre de la urba Festivalo de najbara bonvolemo, en la odesa lernejo “VEDA” okazis gaja foiro-ekspozicio, artaj metiejoj kaj Intelekta Ludo. La artajn metiejojn pri diversaj manfaraj teknikoj gvidis Svetlana Patratij kaj Elena Ovĉinnikova. La lernejanoj Sofia Dimoglova kaj Nikita Kostenko okazigis metiejojn pri slimaĵoj kaj bruldesegnado. Speciala gasto de la aranĝo estis ano de Akademio de Esperanto, biologo kaj lingvisto Tatjana Auderskaja, kiu prezentis sian libron “La mondo en guto da akvo”. Tagmeze la kvizon laŭ la demandoj de Valerija Tarnavskaja okazigis Vladimir Nemercalov. La partoprenintoj kaj verkintoj ricevis premiojn de la librovendejo “Buk- teritorio de infanaj libroj”. Ĝenerale, la etoso estis tre agrabla, same kiel vetero en tiu varma kaj suna aŭtuna tago. Venis ne nur lernantoj de tiu lernejo, sed ankaŭ najbaraj infanoj kaj tutaj familioj. Vere, regis la najbara interhoma bonvolemo. Dankon al la organizantoj! Veda Schoolowl
|
 Esperanto-siglo >>>>> |
de vizitantoj de tiu ci pagaro :