Interesa hobio

Plimulto da homoj havas iun hobion, plenigantan la vivon per speciala senco, plibonigantan humoron, portantan ĝuon kaj vivĝojon. Antaŭnelonge en mia vivo aperis nova okupiĝo: studado de la internacia lingvo Esperanto.
Hodiaŭ al listo de miaj hobioj aldoniĝis kriptovalutoj (kriptomono).

Kriptovalutoj
Tiu vorto ne ekzistas en diversaj esperantaj vortaroj, ekzemple, en PIV, sed kion fari – mi serĉas kie oni povas preni modernajn vortojn. Verŝajne, vi ĉiuj aŭdis la vorton “Bitkoin” (Bitcoin – angle, Біткоїн - ukr., Биткоин – ruse.). Sed estas multaj aliaj bit-moneroj (Bitmono) krom Bitcoin – pli ol dek miloj.

En la mondo multjare ekzistas varaj borsoj, biloborsoj, kie negocistoj ĉiŭtage faras transakciojn - borsajn operaciojn (oro, petrolo, ligno, ktp). Samtempe ekzistas kriptovalutaj borsoj, kie homoj ludas per kriptovalutoj (Bitkoin, Ethereum, Monero, Ripple, Cardano...).
La unuaj gajnas, la aliaj malgainas... Sinokupo estas tre interesa kaj preskaŭ sendanĝera, se ludi per malgranda mono.

Mi estas kriptoludanto (ne ludisto!!!) – tio estas same, kiel ludi ŝakon amatore, sed kun negranda profito (ĉu al vi plaĉas ludi ŝakon?). Se mi malgajnos, tio ne estos katastrofo por mi.
Profesiaj «ludistoj» enmetas en la ludo grandan monon, ili ludas riske.

Mi ludas amuze, sed samtempe mi provas traduki novajn terminojn en Esperanto. Ekzemple, ĉu mi estas trejdisto (trejdero) aŭ borsa spekulanto? Kio mi estas?

Mi suspektas, ke nenie ekzistas faka vortaro pri kriptovaluto. Mi serĉis, sed ne sukcesis...

Ĉiuj ukraine kaj ruse parolantoj uzas la anglalingvajn paŭsaĵojn. Ĉu esperantistoj agu same?

Mi volas kunigi Esperanton kun mia nova okupo. Mi volas ludi samtempe Esperanton kaj kriptomonon )))

Dume mi provas krei por mi mem (kaj por aliaj) kriptovortareton. Se tiu temo estas interese por vi, mi invitas ĉiujn skribi al mi kaj sendi “kriptovortojn” - sageto.tatiana@gmail.com

Parenteze, ekzistas kriptomoneroj, ĝuigantaj esperantan koron: Monero, Stelaro...
Mi eĉ posedas ilin ))

Paŝo post paŝo tra «kriptoĝangalo» >>>>>
Diferenco inter bitmono kaj kriptovaluto
Kiaj kriptovalutoj ekzistas kaj kie oni povas preni ilin
Kiajn monerojn aĉetu komncanto