Vortaro de Esperantaj sinonimoj de Jurij Pisarev
(4353 sinonimnestoj)
Tiun ĉi libreton la kompilinto dediĉas
al la hela memoro
pri neforgesebla
amiko Aĥill Averbuĥ,
kiu aktive kaj kompetente
helpis en la laboro kaj benis la aperon de la verko.
Jurij Pisarev
A-- B--C-- Ĉ-- D-- E-- F-- G--Ĝ-- H-- Ĥ--I--J--Ĵ-- K-- L-- M-- N-- O-- P-- R--S-- Ŝ-- T--U -- V-- Z
Prefaco
La Esperanto-sinonimaro estas kompilita laŭ la alfabeta ordo
de la nestoj mem, sed ne laŭ la ordo de radikoj. Por ĉiu sinonimnesto
aŭ ties parto mi donis rusan tradukon: eble tio utilos por komencantoj
kaj eventuale eĉ por perfektiĝantoj.
Ununura gvidilo helpis al mi dum la kompilado - pura mia intuo, ĉar
mi estas
vera diletanto en lingvistiko ĝenerale kaj en sinonimio speciale.
Ĝuste tial mia kompilaĵo verŝajne svarmas pri diversspecaj eraroj
kaj neeviteblaj malglataĵoj, kaj anticipe mi petas afablan indulgemon
kaj pardonemon de miaj grandanimaj legantoj.
Preskaŭ ĉiam mi sincere kredis (certe, ne senescepte) al la uzitaj de mi
fontoj, ekz. al la kompilaĵo de Berin kaj Ojalo "E-aj sinonimoj".
Tamen en kelkaj kazoj mi tre dubis (vidu ekz. n 2784 kun la titola
vorto MORBIDA, n 2794 kun la titola vorto MORVO k. a.). Malgraŭ la duboj
mi tamen inkluzivis en la kompilaĵon la nuancojn, esperante, ke eventualaj
legantoj mem decidos, ĉu mi pravas aŭ ne, en la elekto. Nemalofte
mi eksplikas pli popularan kaj konatan vorton, stariginte ĝin surkape
de tiu aŭ tiu sinonimnesto, pere de malmulte uzata(j) vorto(j)
kiel la nuanco(j); la indikitan seriozan mankon de mia kompilaĵo
mi povas pravigi per pure pragmataj, praktikaj kialoj: por ne perdi
la sencon en maro da renkontataj vortoj estas pli simple teni en la kapo
pli uzatan vorton ol ĝian sinoniman neologismon.
Mi opinias, ke ankaŭ
miaj probablaj legantoj povas okazi en la sama situacio, se ili ekdeziros
por iuj utilaj necesoj kaj bezonoj serĉi uzindan aŭ uzendan vortnuancon
(temas ekz. pri poetoj, tradukistoj ktp.). Mi esperas, ke ĝuste tiam
ili pli bone komprenos min kaj pli nature pritaksos mian anticipan intencon,
pli tolereme konsideros mian eble eraran, sed praktike pozitivan principon.
Kelkaj vortoj ne havas en la teksto ruslingvajn tradukojn. Tio signifas,
ke mi ne trovis necesan tradukon en atingeblaj por mi fontoj kaj ne riskis
doni propran version (eble eraran aŭ ne tre korektan), timante tiamaniere
embarasigi legantojn.
Memkompreneblas, ke absoluta pleneco de tiu aŭ tiu sinonimnesto ne estas
efektivigebla, kvankam ideale ĉiu kompilanto, same ankaŭ mi, penadas
strebi tion; tamen mi bone konscias, ke apenaŭ eĉ relativan kompletecon
oni povas garantii en la afero. Mi volus esperi, ke ankaŭ simila manko
de la kompilaĵo povus esti pardonebla. Certe, ĉiu el vi libere eblus
plenigi
per nuancoj preskaŭ ajnan sinonimneston. Kompilante la sinonimaron,
mi rapide komprenis, ke la laboro neniam estas plenplene kaj laŭpove
perfekte
finiĝonta: ĝi estas vere senlima.
Dum la kompilado mi ĉiam tenis en la kapo kiel la moton belan citaĵon
el PAGE ("Plena Analiza Gramatiko de E-o"), kiu tekstas:
"... La riĉo de sinonimoj estas unu el la postulaĵoj kiel de la poezio,
tiel de la arta prozo".
Mi esperas, ke mia laboro almenaŭ parte helpos al e-istoj tiusence.
Kaj fine mi diru, ke "mi faris, kion povis, kaj kiu povas, faru pli bone".
Jurij Pisarev (Jakutsk).
Poste multajn nestojn aldonis A. Masenko.
Baza literaturo:
1. Е. А. Бокарев, Эсператно-русский словарь [ок. 26000 слов], изд. ртш,
М., 1983 (со 2-го, стереотипного издания, "Русский Язык", М., 1982).
2. Русско-эсперантский словарь [ок. 24000 слов], сост-ли: Е. А. Бокарев
и др.,
под ред. Е. А. Бокарева, М., 1966.
3. B. Berin, J. Ojalo. Esperantaj sinonimoj [projekto], Vilnius- Tallinn-
Kaŭnas, 1985.
4. M. ĝivoje, Esperantonimoj [listo de antonimoj, homonimoj, paronimoj,
sinonimoj kaj vortludoj], dua kompl. eld., Piza, Italio, 1979.
5. W. Auld, Paŝoj al plena posedo [progresiga legolibro de E-o kun lingvaj
ekzercoj], Brŭelles- 1970- Praha.
6. А. Григоров, Бълг.-эсп-ски речник, София, 1979.
7. H. Alos, K. Velkov, Tabuaj vortoj en E-o [vortaro kun ekzemploj
pri praktika uzado], Vraca, 1991.
A-- B--C-- Ĉ-- D-- E-- F-- G--Ĝ-- H-- Ĥ--I--J--Ĵ-- K-- L-- M-- N-- O-- P-- R--S-- Ŝ-- T--U -- V-- Z
|